साढे ७ किमि सडक सोलिङ छथर जोरपाटीको परेवादिन क्षेत्रमा।


फागुन १७ धनकुटा ।
छथर जोरपाटी गाउँपालिका वडा नं.५ मा चालु आर्थिक बर्षमा ३ वटा बाटोहरु सोलिङ भएका छन् ।
करिव ७ किमि गरिएको सडक सोलिङबाट १ हजार भन्दा बढी वडाबासीहरु लाभाम्बित भएका छन् ।

वडाले ४०० भन्दा बढी घरधुरी लाभाम्बित हुनेगरी वडा नं. २ बाट वडा ५ सम्म आउने  फुर्तुङ डाँडा फ्याटघर देवीटोल खण्डमा सोलिङको काम सम्पन्न गरेको छ ।

नगरको १० लाख लागतमा सम्पन्न भएको उक्त ३ किलोमिटर सडक उपभोक्ता समितिद्वारा काम सम्पन्न गरिएको हो ।

त्यस्तै चुलाचुली ताम्लिङ्ग तेलिया खोला सडक खण्डको ६ सय मिटर उपभोक्ता समितिबाट सोलिङ भएको छ ।

१५० घर भन्दा बढी लाभाम्बित हुने यस सडक पनि पालिकाको १५ लाख लागतमा सम्पन्न भएको हो ।

त्यस्तै सिंधुवा पिपल डाँडा गुवा बेंसी ३२०० मिटर सडकको काम भईरहेको छ । नगरपालिकाको ७७ लाख लागत मध्ये ४५ लाख बरावरको १८०० मिटर बाटो टेन्डरबाट र १४०० मिटर बाटो उपभोक्ताबाट ३२ लाखको लागतमा काम भईरहेको छ ।

यो सडकबाट ५ सय भन्दा बढी स्थानीयबासीहरु लाभाम्बित हुने वडाले जानकारी दिएको छ ।

बाटो सोलिङ भएपछि अब १२ महिना बर्षात्को समयमा पनि यातायात सन्चालन हुने वडा अध्यक्ष सुरेन्द्र कुमार लिम्बुले जानकारी दिनुभयो ।

यस सडकहरुले वडा नं. ५ का नागरिकहरुलाई गाउँपालिका,जोरपाटी बजार,सिंधुवा बजार र जिल्ला जान सहयोग गर्नेछ ।

यी सडकहरुले स्थानिय स्तरमा उत्पादन भएका सव्जी तथा कृषि उपजहरु स्थानिय बजारहरुमा लैजान सहयोग पुग्नेछ ।